قصيده عن الخوي مكتوبة

الأصدقاء الحقيقيون كالأخوة الذين لم تلدهم أمك، حيث يعتبر الصديق الحقيقي كنز ونعمة من نعم الله علينا، فإن حصل الإنسان على صديق، وَفي فليحافظ عليه وليعتبر نفسه شخص محظوظ للغاية، فالصديق الحقيقي هو من يخفف أعباء الحياة على صاحبه، ويحفظ أسراره، ويقف إلى جانبه، ويحول اللحظات العادية إلى لحظات سعيدة، واللحظات السعيدة إلى لحظات استثنائية، وهناك العديد من قصائد المدح التي كتبها الشعراء والأدباء للأصدقاء الحقيقيون الذين يعتبرون بمثابة أخوة.

قصيده عن الخوي

فيما يلي قصيده عن الخوي:^[1]

• القصيدة الأولى:

أنا عزاك وعزوتك لا جرالك.. من تاعس الدنيا هواجيس وأهوال

ماني من اللي لا اغتنى ما وفالك.. لو لك عليه من الجمايل والأفضال

وماني صديقك كان وقتك صفالك.. أنا صديقة لأدبرت فيك الاحوال

خذني عصى موسى إذا كنت هالك.. لمسحلك بحور القهر قول وافعال

فالك عسى الله يسعدك اليوم فالك.. فالك عقم صوم الدهر عيد شوال

وبالك يجي في خاطرك يوم بالك.. انك تغيب ولا تجيلي على بال

لا لا تفكر انت في مثل ذلك.. إني اتخلى عنك لو الزمن طال

ما اقول أنا ياعم مالي ومالك.. ماترخص العشرة ولا تغني اموال

اسمع جوابي قبل ما اسمع سؤالك.. خارج حدود التغطية وارسل ارسال

على محيط السالفة حط دالك.. اجيك رجلي كان ماجيت خيال

انا لياشح الزمن في وصالك.. تمدني النخوة على وصلك حبال

انا عمى عين العدو لا نوالك.. انول روحه قبل ما روحك تنال

بينك وبين الشمس شجرة ضلالك.. ما للشجر قيمة إذا ماله ضلال

والليل لو الليل مظلم وحالك.. ترسمني الظلمى على صدره هلال

ماني ولد عمك ولا أغلى عيالك.. خطوى الخوي يسوى بني عم وعيال

• القصيدة الثانية:

والله ماني على مدح الرياجيل بخيل

خاصة لا جيت امدح في زحول الرجال

المشكلة مدحهم حمل لا شلته ثقيل

من ثقلها ما يقدر عليها كبار الجمال

حتى لو تحاملت على حملها لا بد يميل

مال الجمل حيله على حمل الأثقال

أجل وش حيلة قلم بالقصايد يخيل

في معانيها صدق من مزون الخيال

قصيدة ما هي غزل فالطرف الكحيل

ولا هي عتاب وشكوة حال دون حال

قصيدة مدح في ذاك الشهم الأصيل

الي ما تغيره قلت المطر أو كثرة المال

انت العضيد اللي تشرّف مزاياك

وانت الخوي اللي تقدّر خويه

انت العضيد اللي تشرّف مزاياك

وانت الخوي اللي تقدّر خويه.

عز الرفيق اللي على ظن ما يخيب

واحد يقدر أيش تعني الصداقة

وعز الخوي لا صار اطيب من الطيب

هذي سواة اللي ينومس رفاقه.

ما ينال العز إلا من له خوي مثلك

يرفع الراس عالي ويعلي الهامه

كل العشيرة بالعز تشهد لك

أنت عزك فوق عالي مقامه.

• القصيدة الثالثة:

الطيب ميزه لـ راعي الطيب

دون الخوي ما قفلً بابه

من خلقته ما مشى بالعيب

حرصً على الطيب وأسبابه.

سر يا قلم واكتب من الرأس بيتين

اول مباديها للخوي سلام وتحيه

للصاحب اللي مسكنه في شرايين

وعز الخوي لا صار فيها حميه.

مش كل أخ يا خويِّ دوم يفزع

فزعتك يا خوي تسوى ألف فزعة

لو تظلم حياتي أنت النور يسطع

يا حظ من هو خويك ويا سعده

اللي ما يمدح رجل للطيب (الاسم)

ماله ومال المدح في كل الأحوال

وانا افتخر وأشوش في مدح (الاسم)

عز الخوي وقت الشدائد والأفعال

رافق خوي بالمراجل يخاويك

لا شاف زلاتك عن الناس غطاك

ترى الخوي اللي يعزك ويغليك

تلقاهه عونك بالشدايد و يمنـاك

قصيدة عن الخوي الكفو

فيما يلي قصيده عن الخوي الكفو:

• القصيدة الأولى:

أبي أمدح اللي يستحق المديح

مدح من الخاطر ولافيه مصلوح

ومدح الردي ذاري مع الريح رايح

ومدح الكفو يبقى ولو راحت الروح

مانيب في طرد المقفين ملزوم

مالي بهم يا طيب الفال حاجه

المسك مسك وبينه ريحة الثوم

والورد عطره ما تحبسه قزازه

المال عمره ما بنى المجد للرخوم

والنذل ما يقضي للأجواد حاجه

• القصيدة الثانية:

الخوي الكفو ما هو بداري عن غلاه

الغلا حبله قوي والعتب حبله رخو

يمكن انه يعتبرني من اعز اخوياه

بس انا في ذمتي ما اعتبره الا اخو

يا صاحبي يا رصيد العز والمكسب

انت الخوي والفعل ميه على ميه

انا مدحت الكفو والفعل والمنس

بوقفتك لي واضحه وقفه بطولية

• القصيدة الثالثة:

الكفو كفو وخوته ترفع الراس

ومثلك فخر إني أناديه ي الخوي

وطبع المراجل فيك ما تقرب العيب

لا هان من رباك شيخن حكيم قوي.

معتدل رغم الزمان الملتوي

وأحمد الله من صمود في صمود

جعلني ما طيح من عين الخوي

وجعلني ما طيح في عين الحسود

عز الخوي لا صار همك طوابير

وقت الشدايد واضحن لك مكانه يعطيك روحه ما يهاب المخاسير

قليل منهو يشبهه في زمان

قصيدة عن الخوي الوفي

فيما يلي قصيده عن الخوي الوفي:

• القصيدة الأولى:

رافق أصيل في زمانك يصافيك

لا شاف زلاتك عن الناس غطاك

ترى الصديق اللي يحبك ويغليك

تلقاه عونك على الذة ويمناك

العز يبقى والرفاقه توافيق

يا حظ من خاوى النفوس الكريمة

لو خيروني بين كل المخاليق

أختاركم يا أهل النوايا السليمة

ويبقى غلاكم في صميم المعاليق

وتبقون رأس المال وأكبر غنيمة

• القصيدة الثانية:

ما يعرف الخوة يا كود الأصاحيب

اللي يحفظون الصداقة أمانة

شرواكم هم أهل الوفاء والمواجيب

وإلا الردي دايم طويل لسانه

ومن لا يعرف العيب ما همه العيب

حتى لو إن العيب يلحق إخوانه

وعود البخور ليحترق ريحته طيب

وطيب الرجل بالمرجلة والشهامة.

أخفي المحبة وماني قادر أخفيها

محبة الخوي الصادق الوافي

ما بعثرتها الدنيا إلا لتدنيها

وأكتبلك أشعار(ن) توضح احساسي

إنت الخوي والرجولة ومعانيها

وإنت الشهامة بذاتها ونبعها الصافي.

لا ترفض المدح مني خطيّة

مدحك نهر وأنا أحاول أجاريه

إنت القصيده والقصيده حيّة

شهم وشجاع وما تبدّل مباديه

• القصيدة الثالثة:

خاو الخوي اللي عن الناس يغنيك

خوة وفاء ماهي خوة وناسه

الي على عسر المواقف يصافيك

لا شافك ضايق ما صد عنك براسه.

أنا لي خوي مرفوع قدري ليا جيته

ومقام الخوي مرفوع قدره ليا جاني.

حنا نعز الخوي بالحيل ونجله

نشفق على خوة اللي يكسب الطاله

ولا الردي ما نجي بيته ولا ندله

اللي يبي الطيب لا يرفق ع حاله.

هذا الخوي اللي على العز ممشاه

نعم الرفيق ونعم الي يماشيه